Haspadar straŭsinaj fiermy Aleh Baranaŭ vyrašyŭ pieraniać dośvied zamiežnych kaleh u vyrabie fua-hra.
Na Mahiloŭščynie takaja vytvorčaść źjaviłasia ŭpieršyniu, a voś na Zachadzie tradycyjny delikates ź piečani tłustaha husaka vyrablajecca stahodździami. U Francyi vytvorčaść fua-hra rehłamientujecca nacyjanalnym zakonam, bo tłustaja piečań pryznana častkaj kulturnaj i hastranamičnaj spadčyny krainy.
Cana adnaho kiłahrama fua-hra ŭ elitnych restaranach — kala 300 jeŭra. Mahiloŭski anałah budzie kaštavać u try razy tańniej.
Mahiloŭskaje fua-hra tańniejšaje, bo vyrablajecca ź piačonki straŭsa. Bolš za toje, kali piečań husaka važyć 300—350 hramaŭ, to straŭsinaja dasiahaje vahi 4—5 kiłahramaŭ.
Śpiecyjalisty fiermy ličać, što piečań dobra ŭkormlenaha straŭsa, admysłovym čynam vymačanaja ŭ małace i sodzie, pa pažyŭnych jakaściach identyčnaja piečani husi.
U Biełarusi unikalny pradukt źjavicca ŭ restaranach i ŭ handlovaj sietcy «Jeŭraopt». Elitnym prysmakam zacikavilisia i ŭ viadučych restaranach Rasii.