Čempijon śvietu ŭ supierciažkaj vazie, ukrainski baksior Uładzimir Kličko daŭ kamientar paśla pieramohi nakaŭtam nad bałharynam Kubratam Pulevym.
«Ja vielmi rady być siońnia ŭ Hamburhu, u horadzie majho debiutu na prafiesijnym rynhu. Usie maje fanaty padtrymlivajuć mianie šmat hadoŭ tut, i ja ŭdziačny im za heta. Puleŭ — vielmi dobry bajec, treba addać jamu naležnaje. Jon trymaŭ dobruju dystancyju, ja ź ciažkaściu padbiraŭsia da jaho.
Zaraz ciažkija časy ŭ Ukrainie, tamu ja chaču pryśviacić svaju pieramohu ŭsim, chto zmahajecca za našu krainu», —
skazaŭ Kličko ŭ efiry telekanała «Inter». Pra heta paviedamlaje ua.tribuna.com.
Varta adznačyć, što Puleŭ paśla boja z Kličko trapiŭ u balnicu.
«Pajadynak nanios značnuju škodu zdaroŭju Puleva. Jon čatyry razy akazvaŭsia na naścile rynha, uklučajučy nakaŭt. Apošni ŭdar nanios jamu dva raśsiakańni — u rajonie vierchniaha pavieka i vierchniaj skivicy. Ciapier jamu važna prajści abśledavańnie, kab vyklučyć ŭnutrany kryvaciok. Jon dobra adnaviŭsia na rynhu i nie vyjaviŭ prykmiet nieŭrałhii. Adnak u metach biaśpieki zdaroŭja byŭ adpraŭleny va ŭniviersiteckuju kliniku, — cytuje bigmir)net doktara la rynha Štefana Boka.