Siońnia pa ŭschodzie Rumynii, u rajonie Vrančy, adbyŭsia mocny ziemlatrus siłaj 6,3 Mocnyja šturški adčuli taksama žychary Ukrainy i Małdovy — tut mahnituda skłała 5,5.
U pryvatnaści, u 22:15 pavodle minskaha času žychary Adesy adčuli mocny ziemlatrus. U kvaterach šmatpaviarchovych budynkaŭ nie tolki hajdalisia lustry, a i «pieramiaščałasia» ciažkaja mebla, paviedamlaje Unian.net.
Šturški adčuli žychary i inšych haradoŭ Ukrainy, u tym liku Mikałajeva, Chiersona, Dnieprapiatroŭska i navat Kijeva.
Kp.md piša, što ŭ Kišyniovie 15 chvilin nie było nijakaj mabilnaj suviazi.
Prykładna ŭ 21.16 pavodle małdaŭskaha času ŭ Kišyniovie adbyŭsia ziemlatrus. Dva mocnyja šturški zapar adčuli žychary stalicy.
Hajdalisia lichtarnyja słupy, dryželi šyby, ludzi vybiahali na vulicu.
Nie vyklučana, što šturški mohuć paŭtarycca, kažuć śpiecyjalisty.
