Papa Francišak naviedaŭ Błakitnuju miačeć u Stambule, dzie pryniaŭ udzieł u cyrymonii razam ź viadučymi isłamskimi śviatarami horada.
Paśla hetaha Papa pabyvaŭ taksama ŭ Ahje-Safii — byłym chryścijanskim sabory, jaki byŭ pieratvorany turkami ŭ miačeć, a zatym staŭ muziejem.
U piatnicu Papa, jaki znachodzicca z aficyjnym vizitam u Turcyi, zaklikaŭ da adnaŭleńnia mižkanfiesijnaha dyjałohu, nieabchodnaha, na jaho dumku, dla procidziejańnia fanatyzmu i fundamientalizmu.
Zaraz tolki 120 tysiač hramadzian Turcyi vyznajuć chryścijanstva.
U Błakitnaj miačeci, jakaja źjaŭlajecca adnym z najbujniejšych pomnikaŭ Atamanskaj architektury, Papa paviarnuŭsia tvaram u bok Mieki, skłaŭ ruki i na praciahu dźviuch chvilin słuchaŭ, jak vialiki muftyj Stambuła Rachmi Jaran čytaŭ malitvu.
Zatym Papa naviedaŭ Ahju-Safiju, jakaja na praciahu amal tysiačy hadoŭ była hałoŭnym chryścijanskim chramam Kanstancinopala, paśla na praciahu piaci stahodździaŭ paśla padzieńnia Vizantyi ŭ 1453 vykarystoŭvałasia jak miačeć, a pry kiravańni Kiemala Ataciurka była pieraŭtvoranaja ŭ muziej.
U prahramie vizitu pantyfika ŭ subotu taksama imša ŭ katalickim sabory Śviatoha Ducha i sustreča z kiraŭnikom suśvietnaha patryjarchatu, patryjarcham Varfałamiejem.
Francišak i Varfałamiej dobra viedajuć adzin adnaho. Ich hutarka budzie pryśviečana prablemie pieraadoleńnia raskołu chryścijanstva, jaki ŭ 1054 hodzie pryvioŭ da źjaŭleńnia katalickaj i pravasłaŭnaj cerkvaŭ.
Słovy Papy ab nieabchodnaści mižkanfiesijnaha dyjałohu hučać asabliva aktualna ŭ horadzie, jaki na praciahu apošnich dvuch tysiač hadoŭ nie raz pierachodziŭ z ruk u ruki roznych zavajoŭnikaŭ, dzie majecca mnostva histaryčnych śladoŭ roznych kultur i relihij.
Vystupajučy napiaredadni ŭ stalicy krainy Ankary, Papa, u pryvatnaści, zaklikaŭ da adnaŭleńnia namahańniaŭ pa blizkaŭschodnim mirnaha ŭrehulavańnia, skazaŭšy, što zanadta doŭha hetaja častka śvietu była arenaj bratazabojčych vojnaŭ.
