Ministerstva zamiežnych spraŭ Ukrainy płanuje biaźvizavy režym ź Jeŭrasajuzam u mai 2015 hoda.
Pra heta zajaviła namieśnik ministra zamiežnych spraŭ Alena Zierkal.
«My płanujem u mai vyjści na rašeńnie ES pa pradastaŭleńni Ukrainie biaźvizavaha statusu, a na vierasień damahčysia taho, kab ukraincy mahli padarožničać pa Jeŭropie», — skazaza Zierkal.
Jana padkreśliła, što šmat u čym rašeńnie Jeŭropy zaležyć ad palityki Ukrainy.
«Pieršaje patrabavańnie — heta bijamietryčnyja pašparty, heta zapłanavana na studzień miesiac. Sumiesnymi namahańniami my zmožam damahčysia pośpiechaŭ. Šmat što zaležyć ad orhanaŭ, jakija pracujuć unutry Ukrainy», — adznačyła namieśnik ministra.
Pavodle źviestak pres-słužby Dziaržaŭnaj mihracyjnaj słužby Ukrainy, bijamietryčny pašpart budzie kaštavać kala 15 jeŭra.
