 |
Na chutary Sieviernyj
Calinskaha rajonu Rastoŭskaj vobłaści (kala 900 km ad biełaruskaj miažy) adbyŭsia pamorak ptastva ad ptušynaha hrypu, paviedamlaje «RIA‑Novosti». Pamorak ptuški na dvuch padvorkach byŭ zafiksavany ŭ subotu, paśla čaho byli praviedzieny analizy, i paćvierdziŭsia ptušyny hryp.
Usie 79 ptušak byli zabityja.
Raniej ŭspyški niebiaśpiečnaj infekcyi byli zafiksavanyja na ptuškafabrycy «Hulaj‑Barysaŭskaja», dzie źniščyli bolš za 500 ptušak, na pryvatnym padvorku la ptuškafabryki, na chutary Sładkaja Bałka Calinskaha rajonu, u pasiołku Šasejny Ziernahradzkaha haradzkoha pasielišča.
Pa zahadzie administracyi Calinskaha rajonu na chutar Sieviernyj nakładzieny karantyn. Zonaj pahrozy pa zachvorvańni ptuški hrypam abjaŭleny nasieleny punkt Calina.
Pavodle źviestak MNS, na chutary Sieviernyj znachodizcca 5455 hałoŭ svojskaj ptuški, žyvie 1070 čałaviek.
