Jak paviedamili ŭ HUUS Minharvykankama, zdareńnie adbyłosia ŭ domie na staličnaj vulicy Vołacha.
Susiedzi patelefanavali ŭ milicyju: u kvatery płača dzicia, a dźviery nichto nie adčyniaje. Kali ž padjechali milicyjanty, z akna hetaj kvatery na pieršym paviersie vyjšaŭ małady čałaviek: prosta ŭ pavietra. Jon nie atrymaŭ mocnych paškodžańniaŭ.
Kali praz akno zaleźli milicyjanty, ubačyli jašče adnaho maładoha čałavieka na padłozie, a na im lažała maleńkaja dziaŭčynka i płakała. Chłopiec lažaŭ z vyciahnutymi ŭzdoŭž cieła rukami i ni na što nie reahavaŭ.
Vyśvietliłasia, što na zdymnaj kvatery žyvie muž z žonkaj, ich 2-hadovaja dačka i 17-hadovy brat žančyny. Maci dziaŭčynki trapiła ŭ balnicu, a baćku daviałosia adjechacca. Dačku pakinuli z maładym dziadźkam. A toj zaprasiŭ da siabie pryjaciela, ź jakim i pakuryŭ spajs. Hościa chutka paciahnuła na vulicu — jon vyjšaŭ praz akno.
Kuryli spajs jany pierad dziaŭčynkaj, i jaje špitalizavali z papiarednim dyjahnazam atručeńnie.
Pravodzicca pravierka.
