Žychary štatu Ajova nieŭzabavie mohuć atrymać mahčymaść vykarystoŭvać svoj smartfon u jakaści paśviedčańnia kiroŭcy, vydadzienaha Upraŭleńniem transpartu štatu Ajova (ZŠA).
Zaraz ułady Ajovy pracujuć nad składanym vysokatechnałahičnym prajektam pa stvareńni admysłovaha dastasavańnia, jakoje dazvolić vykarystoŭvać smartfony ŭ jakaści paśviedčańnia kiroŭcy. Niahledziačy na vidavočnuju zručnaść, novaŭviadzieńnie supravadžajecca mnostvam ryzykoŭnych momantaŭ. Čakajecca, što transpartnaje kiravańnie Ajovy ŭklučyć u raspracoŭku šerah funkcyj dla paćviardžeńnia sapraŭdnaści kožnaha dakumienta i zabieśpiačeńnia pryvatnaści asabistaj infarmacyi ŭładalnika.
Pa słovach kiraŭnika ŭpraŭleńnia transpartu ŭ štacie Ajova Poła Trambina, dastasavańnie budzie adroźnivacca niekalkimi stupieniami abarony, siarod jakich varta adznačyć asabisty numar i sistemu bijamietryčnaj aŭtentyfikacyi pa adbitkach palcaŭ i inšym bijamietryčnym dadzienym (ukaranieńnie apošniaha płanujecca ŭ budučyni).
Nieabchodna adznačyć, što ŭ Ajovie kiroŭcam užo siońnia dazvalajecca pradastaŭlać upaŭnavažanym orhanam vykanaŭčaj ułady ličbavyja kopii paśviedčańnia ab rehistracyi transpartnaha srodku i strachavy polis. Takim čynam, dadzienaja inicyjatyva – heta jašče adzin krok uładaŭ da aŭtamabilistaŭ.
U bližejšyja šeść miesiacaŭ dastasavańnie budzie testavacca abmiežavanaj kolkaściu dziaržaŭnych słužačych u ramkach piłotnaj prahramy. Kali testavańnie skončycca paśpiachova, to ŭsie žychary Ajovy zmohuć dałučycca da prahramy ŭžo ŭ nastupnym hodzie.
