Adznačajecca značnaje pavieličeńnie kolkaści transpartu, jaki prybyvaje dla prachodžańnia techahladu.
— Na praciahu pieryjadu praviadzieńnia dekady «Dziaržtechahlad» patok uzros bolš čym na 20% u paraŭnańni ź minułym hodam, — raspaviała sajtu Av.by pres-sakratarka UP «Biełtechahlad» Taćciana Paškievič.
Pryčyna rostu čerhaŭ na stancyjach i ŭ tym, što ŭ 1 studzienia hetaha hoda było ŭviedzienaje dziaržaŭnaje myta za dopusk da ruchu. U vyniku mnohija kiroŭcy imknulisia prajści svoj techahlad u śniežni, kab praskočyć da ŭviadzieńnia zboru. Ciapier pryjšła para čarhovaha ahladu dla ich.
— Prapuskajuć pa zapisie. Kali ranicaj zapisaŭsia, to nie fakt, što da viečara projdzieš, — piša adzin z karystalnikaŭ aŭtaforumu.
Jość i treciaja pryčyna ažyjatažu: mnohija kiroŭcy bajacca rezkaha pavieličeńnia myta za dopusk da ruchu z Novaha hoda. Choć nijakich padstavaŭ dla takich čakańniaŭ niama, takija čutki chodziać — prosta tamu, što ludzi pryzvyčailisia da niepryjemnych siurpryzaŭ.