Jak raspaviali muzyki partału Tuzin.FM, tekst nie pierakładali, bo «niama sensu ŭ hetych pieśniach u pierakładzie». Dla «Olsaŭ» było važna mienavita vykanać słavutuju pieśniu na staradaŭnich instrumientach.
Hurt chacieŭ by vydać ceły albom kaveraŭ na suśvietnych zorak, ale ŭ takim vypadku pryjdziecca raźbiracca ŭ aŭtarskimi pravami. Tamu pra padrychtoŭku takoha vydańnia ci paŭnavartasnaj prahramy razmovy pakul nie viadziecca.
Papiaredni siaredniaviečny kaver, pieśniu Metallica «One», «Olsy» taksama vykanali ŭ miežach prajektu «Lehiendy.Live». Na kaver źviarnuli ŭvahu zamiežnyja muzyčnyja ŚMI, roznyja videa vykanańnia nabrali sumarna bolš za 800 tysiač prahladaŭ.