Darahija siabry! Pavažanyja kalehi, klijenty, čytačy!
Siońnia Apieratyŭna-analityčny centr pryniaŭ rašeńnie ab vyklučeńni damiennaha imia Onliner.by z rejestra nacyjanalnaj damiennaj zony.
Raniej Ministerstva handlu Respubliki Biełaruś paviedamiła pra vyjaŭleńnie ŭ pracy našaha sajta parušeńniaŭ zakanadaŭstva ab handli, u tym liku rehulujučaha paradak realizacyi tavaraŭ (rabot, pasłuh) z vykarystańniem sietki Internet.
U suviazi z hetym my chočam zajavić nastupnaje.
Onliner.by vystupaje za raźvićcio cyvilizavanaha internet-handlu i abaronu pravoŭ spažyŭcoŭ. My na 100% biełaruskaja kampanija, i ŭsia naša praca na praciahu 14 hadoŭ była nakiravana na palapšeńnie jakaści žyćcia miljonaŭ biełarusaŭ. My spraŭna płacim padatki ŭ Biełarusi i dapamahajem raźvivać biźnies tysiačam biełaruskich pradpryjemstvaŭ i pryvatnych pradprymalnikaŭ, stvarajem pracoŭnyja miescy pa ŭsioj krainie, u tym liku dla kampanij, jakija vyrablajuć tavary i pasłuhi ŭ našaj krainie.
Onliner.by robić usio, kab adpaviadać patrabavańniam Minhandlu, u tym liku pa prasoŭvańni ajčynnych tavaraŭ. My apieratyŭna ukaraniajem šerah źmienaŭ na sajcie, pradpisanych Ministerstvam handlu.
Onliner.by zaŭsiody hatovy dla dalejšaha supracoŭnictva. Kalektyŭ kampanii, našy naviedvalniki i klijenty spadziajucca na bolš chutkaje vyrašeńnie prablemnaj situacyi.
Dzianis Blišč
