Uładalnik premii partału «Tuzin hitoŭ» «Hieroi hodu — 2014» hurt Dzieciuki cyhraje vialiki solny kancert u klubie «Piraty» (Partyzanski pr., 9a) siońnia, 9 studzienia, u miežach prajektu «Žyvy Tuzin».
Da svajho solnaha vystupu haradziency rychtujucca z usioj adkaznaściu. «Miensk staŭ dla nas ščaślivym horadam, tut nas zaŭsiody prymajuć vielmi ciopła. Tamu hety kancert — peŭnaja spravazdača dla našych fanaŭ. Z ulikam taho, što za bartom RB u nas kancertaŭ bolš čym u rodnaj krainie, to kožny kancert tut na vahu zołata. Ščyra zaprašajem usich našych siabroŭ dy paplečnikaŭ!» — kaža vakalist kamandy Aleś Dzianisaŭ. 2014 hod dla jaho kamandy staŭ nadzvyčaj plonnym — muzyki vydali albom «Haradzienski harmidar», źniali čatyry videaklipy, źjeździli ŭ tur pa Eŭropie i atrymali premiju «Hieroi hodu» ad partału Tuzin.fm.
Na kancert 9 studzienia Dzieciuki rychtujuć vialikuju prahramu, kudy ŭvojduć jak viadomyja pieśni, tak i zusim novyja rečy, z nastupnaha alboma, praca nad jakim užo raspačałasia.
Vystup haradziencaŭ padtrymaje jašče adzin cikavy vykanaŭca, jaho imia paviedamim za tydzień da kancertu.
Kancert prachodzić u miežach akcyi «Žyvy Tuzin», jakuju čaćvierty sezon zapar ładziać partał Tuzin.fm z partnerami z hramadzkaj kampanii «Budźma biełarusami!». Vieści jaho budzie Alaksandar Pamidoraŭ.
