«NATA pavažaje rašeńnie Viarchoŭnaj Rady Ukrainy admianić pazabłokavy status dziaržavy i paćviardžaje, što Ukraina moža być členam arhanizacyi, kali jana 1) hetaha paprosić, 2) vykanaje standarty i 3) budzie vykonvać nieabchodnyja pryncypy.
Tak UNIAN prakamientavali ŭ štab-kvatery NATA adpaviednaje rašeńnie ŭkrainskaha parłamienta.
«My pavažajem rašeńnie ŭkrainskaha parłamienta. Ukraina źjaŭlajecca niezaležnaj i suvierennaj dziaržavaj i tolki jana prymaje rašeńnie ab ułasnaj źniešniaj palitycy. Jak było vyrašana na samicie ŭ Buchareście ŭ 2008 hodzie, našy dźviery adčynienyja, i Ukraina stanie siabram NATA, kali jana hetaha paprosić, vykanaje standarty i budzie vykonvać nieabchodnyja pryncypy», — skazali ŭ NATA.
U Paŭnočnaatłantyčnym aljansie zaznačyli, što ŭ vypadku, kali Ukraina vyrašyć padać zajaŭku na siabroŭstva NATA «budzie aceńvać jaje hatoŭnaść dałučycca da Aljansu takim ža čynam, jak my robim ź lubym kandydatam».
