U Hankonhu krychu bolš za 100 aktyvistaŭ vyjšli na šeście ŭ honar śviata. Padčas šeścia jany raściahnuli banier, na jakim byŭ napisany zaklik da pradastaŭleńnia žycharam Hankonha prava na hałasavańnie.
Pra heta ŭ sieradu, 24 śniežnia, paviedamlaje sajt Channel NewsAsia.
Demanstranty raściahnuli banier z nadpisam «My chočam hetaha prava hołasu» i dajšli da budynka haradskoj administracyi. Mnohija ź ich vyjšli z žoŭtymi parasonami, u znak salidarnaści z tymi ludźmi, jakija prymali ŭdzieł u ruchu Occupy Central.
Pratesty ŭ Hankonhu pačalisia 26 vieraśnia z demanstracyi studentaŭ, jakija patrabavali demakratyčnych reformaŭ. 3 kastryčnika ŭ horadzie pačalisia masavyja biesparadki.
Jak adznačaje sajt, šeście było pieršaj masavaj akcyjaj paśla taho, jak palicyja horada razabrała barykady aktyvistaŭ ruchu Occupy Central na vulicach u centry horada.
15 śniežnia palicyja prymusiła pakinuć vulicy apošnich demanstrantaŭ. 25 listapada palicyja zatrymała dvuch lidaraŭ pratestnaha ruchu — Džošua Vonha i Lestera Šumu.
Pamiž Hankonham i Piekinam pracuje pahadnieńnie «adna kraina, dźvie sistemy», što daje hramadzianam prava na vykazvańnie pratestu. Studenty i aktyvisty Occupy Central patrabavali pravieści ŭ 2017 hodzie ŭ Hankonhu pramyja svabodnyja vybary kiraŭnika miascovaj administracyi, jakija raniej pryznačaŭsia padkantrolnaj Piekinskim uładam kalehijaj vybarščykaŭ.
