Na pałajučym paromie Norman Atlantic znojdzieny zahinuły mužčyna, dva čałavieki atrymali ranieńni. Pra heta paviedamiła ministerstva nacyjanalnaj abarony Hrecyi.
Na dadzieny momant ratavalniki evakuiravali z paroma 156 čałaviek.
Siarod pasažyraŭ paroma Norman Atlantic hramadzian Biełarusi nie vyjaŭlena, paviedamili ŭ Pasolstvie Biełarusi ŭ Italii.
Italjanski parom, jaki pieravoziŭ aŭtamabili i 466 pasažyraŭ z Hrecyi ŭ Italiju, zahareŭsia ŭ Adryjatyčnym mory ŭ niadzielu ranicaj. Pavodle ahienctva Rojterz, pažar pačaŭsia ŭ hruzavym adsieku, dzie znachodzilisia 222 aŭtamabili.
Italjanskija ŚMI apublikavali dadzienyja ab tym, što parom, jaki pad ściaham Italii išoŭ z hreckaha porta Patry ŭ italjanski port Ankona, niadaŭna prajšoŭ prafiłaktyčny kantrol.