Paromnyja kruizy pa rehijonie Bałtyjskaha mora ŭ apošnija niekalki hadoŭ stali sapraŭdnym turystyčnym chitom dla biełarusaŭ.
Z dapamohaj estonskaha paromnaha apieratara «Talink» turysty z zadavalnieńniem naviedvajuć adrazu niekalki prybałtyjskich i skandynaŭskich krain, sumiaščajučy viasiołaje baŭleńnie času na raskošnym paromie z paznavalnymi ekskursijami pa cikavych haradach.
Maršruty «Talinka» kruhły hod złučajuć Łatviju, Finlandyju, Šviecyju i Estoniju.
Jak praviła, takija kruizy pačynajucca dla našych turystaŭ u Ryzie, kudy vandroŭcy zvyčajna dabirajucca na ŭłasnych aŭtamabilach, abo — skarystaŭšysia turystyčnym aŭtobusnym tranśfieram.
Kirunak ličycca adnym z samych stabilnych dla turystyčnych kampanij, u jakich adznačajuć pastajanna raście popyt na hetyja dosyć niedarahija, ale vielmi nasyčanyja tury.
Jak paviedamlajuć u turfirmach, niahledziačy na ŭsie finansavyja prablemy, jakija napatkali biełaruskuju ekanomiku i biełaruskich hramadzian u Napiaredadni Novaha hoda, papularnyja paromnyja prahramy nie abyducca biez našych turystaŭ i ŭ pieryjad ciapierašnich navahodnich śviataŭ. Tak, pa linii tolki adnaho bałtyjskaha apieratara ŭ Ryhu prybuduć 7 aŭtobusaŭ ź biełaruskimi hramadzianami, jakija sustrenuć Novy hod na paromie (paraj budzie ździajśniać kruiz z łatvijskaj stalicy ŭ Stakholm). A takich firmaŭ, jakija supracoŭničajuć ź biełaruskim turkampanii, u bałtyjskim rehijonie - nie mienš za dziesiatak.
Pra toje, što «Talink» maje namier źviarnuć jašče bolš pilnuju ŭvahu na biełaruski rynak, kaža i toj fakt, što ŭ hetym hodzie kruizny apieratar źviarnuŭsia z prośbaj da biełaruskich partnioraŭ pierakłaści zabaŭlalnuju prahramu navahodniaha śviata-bankieta na biełaruskuju movu.
Śpiecyjalisty źviazvajuć hety byccam by asabliva techničny momant arhanizacyi tura z faktam značnaha źnižeńnia rasijskaj klijentury na kirunku. Nahadajem, što, pa nieaficyjnych dadzienych, kolkaść turpajezdak rasijanaŭ za miažu ŭ apošnija paŭhoda skaraciŭsia na 40-50% i, pa prahnozach, adtok budzie praciahvacca.
U hetaj situacyi ŭsio bolš zamiežnych turystyčnych rynkaŭ hatovyja bolš aktyŭna pryciahvać u tym liku i biełaruskich turystaŭ, vykarystoŭvajučy, jak bačym, u jakaści pryvabnych faktaraŭ taki cikavy kozyr, jak «biełaruskaja mova».
