Prezident ZŠA Barak Abama zajaviŭ u efiry amierykanskaha Nacyjanalnaha hramadskaha radyjo, što sankcyi ŭ dačynieńni da Rasii pakažuć, nakolki bujnuju stratehičnuju pamyłku Uładzimir Pucin ździejśniŭ, anieksavaŭšy Krymski paŭvostraŭ.
Pa słovach Abamy, jašče niekalki miesiacaŭ tamu niekatoryja ŭ Vašynhtonie ličyli, što Pucin prajaviŭ siabie hienijem stratehii, pierajhraŭ Zachad u hnutkaści manieŭraŭ i ŭzmacnić moc Rasii.
«Tady ja skazaŭ, što my nie chočam vajny z Rasijaj, ale my možam prymianić nieabchodny cisk, dziejničajučy razam z našymi jeŭrapiejskimi partniorami», — adznačyŭ kiraŭnik dziaržavy.
Pucin ličyŭ, što pierachitryŭ nas usich, jon zapałochvaŭ i ŭkaraniaŭ ŭpłyŭ Rasii, skazaŭ Abama.
Adnak, dadaŭ amierykanski prezident, mižnarodnyja sankcyi byli ŭviedzienyja takim čynam, što Maskva stała asabliva zaležać ad padzieńnia cenaŭ na naftu na suśvietnym rynku.
«U hetym pracesie my zychodzili u tym liku z taho, što adziny faktar, jaki trymaje ekanomiku [Rasii] na płavu — heta ceny na naftu».
«Im [Kramlu] było b u vyšejšaj stupieni ciažka z hetym spravicca», - dadaŭ Abama.
«I ciapier, prynamsi za miežami Rasii, mahčyma, niekatoryja ludzi stali razumieć, što Pucin pastupiŭ nie tak užo razumna», - adznačyŭ prezident ZŠA.
