Pamior biełaruski historyk Michaił Kłaŭdzijevič Košaleŭ, jamu było 65 hadoŭ.
Pra śmierć historyka paviedamiŭ u svaim fejsbuku historyk Aleś Paškievič.
«… U Instytucie historyi NANB pamior były vučony sakratar ustanovy na praciahu bolš čym 20-ci hadoŭ (1984—2005), zahadčyk cełaha adździeła ŭsieahulnaj historyi i mižnarodnych adnosin Michaił Kłaŭdzijevič Košaleŭ (pachavańnie było 30 śniežnia). I kab choć by dzie jakaja ścipłaja infarmacyjnaja daviedka. Vypadkova tolki daviedaŭsia. Sic transit gloria mundi!
A čałaviek byŭ niebłahi. I niesumnienny patryjot Biełarusi. Prynamsi, u mianie takoje ŭražańnie skłałasia, nakolki ja jaho viedaŭ».
Michaił Kłaŭdzijevič Košaleŭ naradziŭsia 9 studzienia 1949 h. u Minsku, skončyŭ Minski piedahahičny instytut (1970), pracavaŭ u Muziei Vialikaj Ajčynnaj vajny, Instytucie mastactvaznaŭstva, etnahrafii i kultury AN BSSR, u Instytucie historyi pracavaŭ z 1979 h.
Daśledavaŭ pytańni sacyjalna-ekanamičnaha i palityčnaha žyćcia Biełarusi XX st., mižetničnyja adnosiny, evalucyju histaryčnaj navuki Biełarusi.