Rasija i Arhientyna pracujuć nad kantraktam, zhodna ź jakim Maskva addaść u lizinh 12 šturmavikoŭ Su-24 u abmien na pastaŭki jałavičyny i pšanicy, paviedamiŭ sajt defensenews.com.
Su-24 VPS Rasii.
Rasija zabaraniła letam 2014 hodu pastaŭki praduktaŭ (akramia ałkaholu i jašče niekatorych hrup tavaraŭ) z krain, jakija abviaścili sankcyi ŭ adkaz na rasijskuju akupacyju Kryma i ahresiju ŭ Danieckaj i Łuhanskaj abłaściach.
Maskva razhladaje impart z Łacinskaj Amieryki, u pryvatnaści z Arhienciny, jak mahčymaść kampiensavać deficyt pastavak charču.
Vialikabrytanija adreahavała na hetuju navinu zajavaj pra toje, što Łondan rehularna vyvučaje suadnosiny sił u paŭdniovaj Atłantycy i moža pavialičyć svaju hrupoŭku na Fałklendach.
Brytanija i Arhientyna ŭ 1982 hodzie vajavali za hetyja astravy, jakija Buenas-Ajres ličyć svaimi i niaŭdała sprabavaŭ zachapić.
Su-24 — frantavy bambardziroŭščyk savieckaj raspracoŭki z kryłom źmianialnaj strełavidnaści. Praktyčnaja dalnaść dziejańnia — 570 km, praktyčnaja vyšynia — 17.100 m.
Samalot uzbrojeny puškaj kalibru 23 mm, moža nieści kiravanyja i niekiravanyja rakiety i bomby roznaj mahutnaści.
Bambardziroŭščyk, jaki ŭ kodach NATA maje nazvu Fencer, znachodzicca na ŭzbrajeńni RF, Ukrainy, Ałžyra, Uźbiekistana, Irana, Siryi, Anhoły, Kazachstana i Azierbajdžana.
Biełaruś źniała Su-24 z uzbrajeńnia ŭ 2012 hodzie. Mašyna ličycca ciažkaj dla piłotaŭ i maje vysoki ŭzrovień avaryjnaści. RF u tym ža hodzie abviaściła, što całkam admovicca ad vykarystańnia mašyny da 2020 hoda.
