Photo Katarzyna Lamtiewa
U bližejšyja dni ŭ Biełarusi pachaładnieje, u kancy tydnia paciapleje.
Pra heta paviedamiŭ načalnik słužby hidramietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Dźmitryj Rabaŭ.
U aŭtorak, 6 studzienia, umovy nadvorja buduć vyznačacca ŭ asnoŭnym vobłaściu pavyšanaha atmaśfiernaha cisku, sfarmiravanaj u chałodnaj pavietranaj masie. Unačy miescami projdzie karotkačasovy śnieh, dniom istotnych apadkaŭ nie prahnazujecca. U asobnych rajonach čakajecca šerań, na darohach hałalodzica. Tempieratura pavietra na praciahu sutak składzie minus 6—13 hradusaŭ, unačy pa paŭnočnym uschodzie čakajecca ad 14 da 18 hradusaŭ nižej za nul, miescami — da 20 hradusaŭ marozu.
«Na Kalady, 7 studzienia, marazy ŭzmocniacca, — skazaŭ Dźmitryj Rabaŭ. — Čakajecca, što hetyja sutki stanuć samymi chałodnymi na hetym tydni».
Abydziecca biez apadkaŭ. Na darohach miescami prahnazujecca hałalodzica. Tempieratura pavietra ŭnačy składzie minus 10—17 hradusaŭ, miescami čakajecca ad 18 da 23 hradusaŭ marozu. Dniom prahnazujecca 6—13 hradusaŭ nižej za nul, miescami — da minus 15 hradusaŭ.
U čaćvier, 8 studzienia, maroznaje nadvorje zachavajecca. Z Zachodniaj Jeŭropy da terytoryi Biełarusi padydzie atmaśfierny front. Miescami projdzie karotkačasovy śnieh. Na asobnych učastkach daroh čakajecca hałalodzica. Tempieratura pavietra ŭnačy składzie minus 6—13 hradusaŭ, dniom čakajecca ad 1 da 8 hradusaŭ marozu, va ŭschodnich rajonach unačy pry prajaśnieńniach prahnazujecca minus 14—17 hradusaŭ, dniom budzie minus 9—10 hradusaŭ.
«Pačynajučy ź piatnicy, 9 studzienia, u Biełaruś pačnie viartacca ciopłaje nadvorje», — paviedamiŭ Dźmitryj Rabaŭ.
Pieravažny ŭpłyŭ na nadvorje ŭ Biełarusi pačnie akazvać Atłantyčny akijan - ź jaho akvatoryi na terytoryju krainy pačnie pastupać ciopłaje i syroje atłantyčnaje pavietra. U suviazi z hetym na bolšaj častcy respubliki projdzie śnieh i mokry śnieh. Miescami prahnazujecca hałalod, na darohach - hałalodzica. Tempieratura pavietra ŭnačy składzie minus 1-8 hradusaŭ, pa ŭschodzie prahnazujecca 9-12 hradusaŭ nižej za nul. U dzionny čas čakajecca ad minus 4 da plus 2 hradusaŭ.
«U apošnija dni tydnia ŭpłyŭ Atłantyki ŭzmocnicca, na terytoryi krainy čakajecca vietranaje, syroje i ciopłaje nadvorje», — dadaŭ Dźmitryj Rabaŭ.
U subotu časam projduć apadki ŭ vyhladzie śniehu i mokraha śniehu, pa paŭdniovym zachadzie — z daždžom. Miescami čakajecca hałalod, na darohach hałalodzica, dniom pa zachadzie - uzmacnieńnie vietru z paryvami da 15—18 m/c. Tempieratura pavietra ŭnačy składzie ad nula da minus 6 hradusaŭ, dniom čakajecca ad minus 2 da plus 4 hradusaŭ ciapła.
U niadzielu, 11 studzienia, na bolšaj častcy terytoryi Biełarusi prahnazujucca apadki ŭ vyhladzie mokraha śniehu i daždžu. Miescami zachavajecca hałalod, na darohach — hałalodzica. U mnohich rajonach prahnazujecca ŭzmacnieńnie vietru z paryvami da 15—20 m/c. Tempieratura pavietra na praciahu sutak składzie ad minus 2 da plus 4 hradusaŭ.
