Upraŭleńnie Śledčaha kamiteta pa Minskaj vobłaści zaviaršyła rasśledavańnie kryminalnaj spravy ŭ dačynieńni da žycharki Słuckaha rajona, jakaja zakapała svajo novanarodžanaje niemaŭla.
Žančynie, 1988 hoda naradžeńnia, było pradjaŭlenaje abvinavačvańnie pa č.3 art.159 (naŭmysnaje pakidańnie ŭ niebiaśpiecy, ździejśnienaje asobaj, jakaja sama z uskosnym namieram pastaviła paciarpiełaha ŭ niebiaśpiečny dla žyćcia abo zdaroŭja stan) KK RB.
Abvinavačanaja pryznana pa vynikach ekśpiertyzy narmalnaj i zdolnaj nieści adkaznaść za ŭčynienaje złačynstva.
Na pačatku krasavika 2014 h jana źviarnułasia pa miedycynskuju dapamohu ŭ rajonnuju balnicu.
U jaje byli vyjaŭlenyja ślady niadaŭniaj radavoj dziejnaści pry adsutnaści dziciaci. Ustanoŭlena, što žančyna na haryščy haspadarčaj pabudovy naradziła dzicia mužčynskaha połu. Adrazu paśla rodaŭ zakapała niemaŭla tam ža ŭ dvary. Paśla jaho trup byŭ znojdzieny ŭ miescy, jakoje pakazała padazravanaja.
Na padstavie łabaratornych daśledavańniaŭ ustanoŭlena, što dzicia było narodžanaje žyvym, danošanym i žyćciazdolnym.
