U pieršym šerahu sprava naleva iduć: premjer Italii Matea Rency, kiraŭnik Paleściny Machmud Abas, kanclerka Niamieččyny Anhieła Mierkiel, prezident Francyi Fransua Aland, prezident Mali Ibrahim Bubakar Kiejta, były prezident Francyi Nikala Sarkazi, premjer Izraila Beńjamin Nietańjachu. Fota Rojterz.
Fota le Parisien
Respublikanski marš prachodzić siońnia ŭ Paryžy ŭ pamiać 17 zahinułych u vyniku troch teraktaŭ, jakija adbylisia ŭ Francyi na hetym tydni.
Centr Paryža prosta zapoŭnieny ludźmi.
Udzieł biaruć i 50 lidaraŭ suśvietnych dziaržaŭ, zaprošanych u stalicu Francyi Fransua Alandam. Prysutničajuć, siarod inšych, taksama lidar Paleścinskaj aŭtanomii Machmud Abas i karaleva Iardanii, prezident Ukrainy Piatro Parašenka, premjer Polščy Eva Kopač i ministr zamiežnych spraŭ Rasii Siarhiej Łaŭroŭ.
Piatro Parašenka razam z žonkaj Marynaj išoŭ razam ź Mierkiel, Tuskam u pieršych šerahach.
U Paryžy — biesprecedentnyja miery biaśpieki. Stancyi mietro ŭ centry zakryty.
Žyvuju tranślacyju viaduć francuzskija ŚMI i telekanał Jeŭrańjus.
Biełaruś była reprezientavanaja pasłom Paŭłam Łatuškam. Taksama ŭ maršy ŭdzielničaŭ były kandydat u prezidenty i palitviazień Andrej Sańnikaŭ. Jon išoŭ u bieł-čyrvona-biełym šaliku.
Fota z tvitara Andreja Sańnikava.
