Chakiery, jakija zajavili pra svaje suviazi z terarystyčnaj hrupoŭkaj «Isłamskaja dziaržava», uzłamali Twitter-akaŭnt Centralnaha kamandavańnia Uzbrojenych sił ZŠA (CENTCOM).
«Amierykanskija sałdaty, my idziem, sačycie za vašymi śpinami. ID», - havorycca ŭ pieršym paśla ŭzłomu paviedamleńni, jakoje było apublikavana ŭ 20:30.
Kibierzłačyncy taksama raźmiaścili ŭ Twitter infarmacyju, jakaja, pavodle ich śćviardžeńnia, raskryvaje apieratyŭnyja płany Pientahona na vypadak vajennych dziejańniaŭ u KNDR i Kitai. Akramia taho, na staroncy źmieščany śpisy amierykanskich hienierałaŭ z adpaviednymi adrasami.
Pa dadzienych na 21:22, rachunak CENTCOM zabłakavany, adnak kopii paviedamleńniaŭ dastupnyja ŭ kešy Google.
U Pientahonie, jak pieradaje Reuters, paćvierdzili fakt uzłomu. U ciapierašni čas śpiecyjalisty sprabujuć vyrašyć prablemu.
