Alaksandr Łukašenka nakiravaŭ zvarot kiraŭnikam dziaržaŭ - členaŭ Jeŭrazijskaha ekanamičnaha sajuza ŭ suviazi z tym, što Biełaruś 1 studzienia 2015 hoda ŭstupiła ŭ staršynstva ŭ Vyšejšym Jeŭrazijskim ekanamičnym saviecie, Jeŭrazijskim mižuradavym saviecie i Saviecie Jeŭrazijskaj ekanamičnaj kamisii.
Ab hetym BIEŁTA paviedamili ŭ Administracyi prezidenta.
U zvarocie adznačajecca, što Biełaruś razhladaje JEAES u jakaści važniejšaha intehracyjnaha abjadnańnia, jakoje sadziejničaje zabieśpiačeńniu ekanamičnaj i sacyjalnaj stabilnaści ŭ rehijonie. Staršynstva Biełarusi budzie nakiravana na dalejšaje ŭmacavańnie dobrasusiedstva, raźvićcio ekanamičnaha supracoŭnictva, sadziejničańnie pašyreńniu čatyroch asnovatvornych ekanamičnych svabod sajuza: svabody ruchu tavaraŭ, pasłuh, kapitału i rabočaj siły.
Biełarusi bok na ŭsich etapach padrychtoŭki dahavora ab JEAES paśladoŭna zajaŭlaŭ ab nieabchodnaści maksimalnaj libieralizacyi ŭmoŭ ekanamičnaj dziejnaści ŭ ramkach intehracyjnaha abjadnańnia. «Pa-raniejšamu ličym, što fundamientam Jeŭrazijskaha ekanamičnaha sajuza pavinna stać poŭnaja admiena vyklučeńniaŭ i abmiežavańniaŭ u ruchu tavaraŭ», - havorycca ŭ zvarocie.
U im taksama źmieščany šerah prapanoŭ. Jany datyčacca pryniaćcia mier pa chutčejšym pierachodzie da ŭzhodnienaj, a ŭ pierśpiektyvie - i da adzinaj pramysłovaj i ahrapramysłovaj palityki, paskareńnia raspracoŭki i pryniaćcia asnoŭnych napramkaŭ pramysłovaha supracoŭnictva ŭ ramkach sajuza, zabieśpiačeńnia biezumoŭnaha pačatku funkcyjanavańnia z 1 studzienia 2016 hoda adzinych rynkaŭ lekavych srodkaŭ i miedycynskich vyrabaŭ. Akramia taho, prapanujecca pačać praktyčnuju realizacyju pałažeńniaŭ dahavora, što praduhledžvajuć sumiesnyja dziejańni pa raźvićci ekspartu.
Biełaruski bok taksama nadaje važnaje značeńnie vypracoŭcy kancepcyj farmiravańnia ahulnych rynkaŭ elektraenierhii, hazu, nafty i naftapraduktaŭ. Zajaŭlena, što ŭ pieryjad staršynstva Biełarusi buduć zrobleny kankretnyja kroki pa raźvićci intehracyjnych pracesaŭ u śfiery pasłuh.
Aktualnaj źjaŭlajecca mytna-taryfnaja i nietaryfnaja abarona adzinaj mytnaj prastory. U suviazi z hetym Biełaruś čakaje ad partnioraŭ adkrytaści ŭ pytańniach dyjałohu z SHA.
Akramia taho, prapanujecca vypracavać dziejsnyja miechanizmy funkcyjanavańnia JEAES va ŭmovach prymianieńnia adnoj ź dziaržaŭ-členaŭ adnabakovych mier abarony rynku adnosna trecich dziaržaŭ. Pry hetym asablivuju ŭvahu nieabchodna ŭdzialić pytańniam kaardynacyi ŭzajemadziejańnia ŭ śfiery sanitarnych, vieterynarnych i fitasanitarnych mier, abarony pravoŭ spažyŭcoŭ.
Kiraŭnik biełaruskaj dziaržavy vykazaŭ nadzieju na padtrymku z boku dziaržaŭ - členaŭ JEAES u praktyčnym ažyćciaŭleńni biełaruskich inicyjatyŭ. «Upeŭnieny, što naša ciesnaje ŭzajemadziejańnie stanie załoham maksimalna efiektyŭnaj realizacyi namiečanych płanaŭ i paśpiachovaha stanaŭleńnia Jeŭrazijskaha ekanamičnaha sajuza ŭ jakaści samastojnaha centra ŭstojlivaha ekanamičnaha raźvićcia», - skazana ŭ zvarocie.
