Ceły nabor miasnych straŭ na padkormačnaj placoŭcy prapanoŭvaje z ranicy nasielnikam lesu uładalnik «Siadziby lesuna» Źmicier Šamovič: hałavu łasia, dvuch adstrelenych vaŭkoŭ, lisu i janotapadobnaha sabaku. Prylataj, prychodź, hryzi i dziaŭbi. I takich achvočych u lasach vakoł vioski Sasnovy Bor Rasonskaha rajona, amal na hranicy z Rasijaj, znachodzicca niamała.
Smačny abied markuta, jaki ŭpadabaŭ śviežaha janotapadobnaha sabaku (fota 4), pierarvaŭ prylot bolš mahutnaha i hroznaha drapiežnika arłana-biełachvosta (fota 5—8). Piaćdziasiat chvilin doŭžyŭsia jahony abied. Dobra padjeŭšy, arłan staranna pačyściŭ u śniezie svaju dziubu i pavolna palacieŭ preč. Paśla hetych haspadaroŭ padjadać uzialisia sojki i sinicy.
