 |
Ad ranicy ŭskładnieny dostup biełaruskim čytačam da papularnych medyjnych sajtaŭ «Chartyja-97», «Radyjo Svaboda» i «Biełorusskij partizan». Kanał dostupu da hetych resursaŭ mocna zavužany, tamu, choć vyhladaje, što sajt dastupny j zahružajecca, adnak zahruzka abo spyniajecca, abo idzie nadzvyčaj doŭha, što robić atrymańnie infarmacyi ciažkim abo niemahčymym zaniatkam.
Atrymać dostup da zakrytych dostupaŭ možna praz ananimajzery, abo z dapamohaj prahram, jakija źmianiajuć IP-adras (padrabiaźniej pra heta — u artykule Jak zachavać ananimnaść u Siecivie). Pry hetym, adnak, treba mieć na ŭvazie, što padobnyja dziejańni zabaronienyja niekatorymi biełaruskimi pravajderami.
U takim vypadku možna skarystacca «kitajskim» dośviedam — čytać stužki navinaŭ z dapamohaj onłajnavych źbiralnikaŭ stužak, jak, naprykład, Google Reader. Zastajecca spadziavacca, što na čas blakady redakcyi «zahłušanych» sajtaŭ buduć tranślavać poŭnyja versii navin.
Stužka Radyjo Svaboda: http://rss.svaboda.org/
Stužka Chartyi-97: http://www.charter97.org/rss.php
Stužka Biełpartyzana: http://www.belaruspartisan.org/bp-forte/?page=1040
Naša stužka: http://nn.by/rss.php
