Za ŭčynieńnie DTZ ź ciažkimi nastupstvami asudžany 18-hadovy žychar ahraharadka Alšany Stolinskaha rajona.
Jak paviedamiŭ prakuror adździeła prakuratury Bresckaj vobłaści Viera Fiłonik, u pačatku pieršaj hadziny nočy 29 žniŭnia 2014 hoda na vulicy Savieckaj u Alšanach małady čałaviek, jaki kataŭ na aŭtamabili «VAZ» troch siabroŭ napadpitku, učyniŭ najezd na 18-hadovuju dziaŭčynu, jakaja išła pa abočynie darohi i była abaznačanaja śviatłoadbiŭnymi elemientami.
Paśla DTZ kiroŭca vybieh z mašyny i ŭciok. Pa haračych śladach jaho zatrymali ŭ hetym ža nasielenym punkcie. Było ŭstanoŭlena, što ŭ jaho nikoli nie było paśviedčańnia kiroŭcy, «VAZ» na tranzitnych numarach jamu nie naležyć.
Paciarpiełaja dziaŭčyna była dastaŭlenaja ŭ balnicu, dzie dniom 30 žniŭnia ad atrymanych traŭm pamierła.
2 śniežnia 2014 hoda sud Stolinskaha rajona pryznaŭ kiroŭcu «VAZa» vinavatym na padstavie č. 2 art. 317 (parušeńnie praviłaŭ darožnaha ruchu, što paciahnuła pa nieaściarožnaści śmierć čałavieka), č. 3 art. 159 (pakidańnie ŭ niebiaśpiecy) KK i pryhavaryŭ da piaci hadoŭ pazbaŭleńnia voli z adbyvańniem pakarańnia ŭ papraŭčaj kałonii ahulnaha režymu. Jon pazbaŭleny prava zajmacca dziejnaściu, źviazanaj z kiravańniem transpartnymi srodkami, na piać hadoŭ.
20 studzienia sudovaja kalehija pa kryminalnych spravach Bresckaha abłasnoha suda pakinuła jaho skarhu na surovaść pryhavoru biez zadavalnieńnia. Pryhavor suda pieršaj instancyi nabyŭ zakonnuju moc.
Małady čałaviek raniej sudzimy nie byŭ, nidzie nie pracuje i nie vučycca.
