Usie asudžanyja, akramia Anatola Šumčanki i Anatola Labiedźki, jakim dali pa 15 sutak, abvieścili haładoŭku, paviedamlaje Radyjo Racyja
* * *
U Maskoŭskim rajonnym sudzie Miensku pačali sudzić udzielnikaŭ učorašniaj akcyi pradprymalnikaŭ
Uładzimier Šyła, Alaksandar Ściapanienka i Raman Bahdanovič ŭžo asudžanyja na 15 sutak administracyjnaha aryštu. Šyła taksama aštrafavany na 50 bazavych vieličyniaŭ (adzin miljon 750 tysiač rubloŭ). Jon asudžany «za ŭdzieł u niesankcyjanavanaj akcyi i chulihanstva».
U budynku sudu vyviesili śpis asobaŭ, jakich buduć sudzić siońnia.
Heta 16 čałaviek: Šyła, Labiedźka, Łynduła, Šumčanka, Žabaroŭski, Čarnyšoŭ, Michajłaŭ, Važakoŭ, Vinahradaŭ, Barazienka, Zorka, Karjanovič, Klujeŭ, Bahdanovič, Ściepanienka, Parkun (u śpisie, što visić u sudzie, imiony nie paznačanyja).
Advakatka zatrymanych 10 studzienia moładzievych aktyvistaŭ Viera Stramkoŭskaja zapatrabavała vyklikać chutkuju dapamohu ŭ sud Centralnaha rajonu. Ciapier u sud dastaŭlenyja piaciora aktyvistaŭ, va ŭsich jość traŭmy i paškodžańni. U Taciany Ciškievič padazreńni na čerapna‑mazhavuju traŭmu, u Arsienia Pachomava — aŭtara šmatlikich fotarepartažaŭ, ślady źbićcia na tvary, u Juryja Kaksiuka złamanaja rabryna, mocna źbityja Michaił Paškievič i Michaił Kryvaŭ. Usie jany praviali noč u prymalniku‑raźmierkavalniku na Akreścina.
* * *
Stała viadoma taksama, što 15 sutak aryštu atrymaŭ jašče adzin zatrymany — Arsień Pachomaŭ.
