vedomosti.ru
«Biełaruśkalij» moža pieraškodzić «Urałkaliju» padniać canu pa novym kitajskim kantrakcie na 10% da $335 za tonu, havorycca ŭ ahladzie Raiffeisenbank.
Były partnior rasijskaj kampanii praciahvaje pastaŭlać uhnajeńni pa staroj canie — $305, u toj čas jak tradycyjna napiaredadni zaklučeńnia novaha hadavoha kantraktu vytvorcy spyniali pastaŭki, dla taho kab umacavać pierahavornyja pazicyi. U śniežni ekspart u Kitaj vyras na 33% da 810 000 t, amal 44%, abo 360.000 t, pastaviŭ «Biełaruśkalij», havorycca ŭ ahladzie banka.
Usiaho ŭ IV kvartale «Biełaruśkalij» pastaviŭ u Kitaj 600 000 t, viedaje surazmoŭca ŭ adnoj z kampanij — vytvorcaŭ uhnajeńniaŭ (dla paraŭnańnia: «Urałkalij» u minułym hodzie zaklučyŭ kantrakt na 700 000 t na paŭhoda).
Biełaruś praciahnuła pastaŭki i ŭ studzieni, abjom dasiahnuŭ 250 000 t, zaznačaje jon.
Na jaho dumku, pavodziny biełaruskaj kampanii moža zaciahnuć i ŭskładnić pieramoŭny praces «Urałkalija» i Sanpotex (trejdar kanadskich vytvorcaŭ Potash corp, Mosaic i Agrium) z kitajskimi partniorami. Sanpotex pakul padpisała tolki trochhadovy miemarandum z kitajskimi pakupnikami na 8,1 młn t kaliju.
Pradstaŭniki «Biełaruśkalija» i jaho trejdara — Biełaruskaj kalijnaj kampanii (BKK) nie adkazali na zapyty «Viedomostiej», ich kaleha z «Urałkalija» admoviŭsia ad kamientaroŭ.
