U Viciebsku źjaviłasia na śviet dzicia vahoj 6 kiłahramaŭ 190 hramaŭ i rostam 59 santymietraŭ.
Chłopčyka nazvali Andrejem — u honar dzieda. Heta treciaje dzicia ŭ siamji Julii i Ivana Sacharavych. Starejšy syn, jakomu ciapier 3 hady, taksama naradziŭsia bujnym — 5 kh i 100 h, siastra Andreja, jakoj spoŭniłasia 10, pry źjaŭleńni na śviet važyła 3 kh 700 h.
«Dzicia nie płanavanaje, ale žadanaje. Što budzie takim vołatam — dla nas siurpryz. Zapomniła pieršuju frazu, jakuju pačuła paśla rodaŭ — «heta trochmiesiačnaje dzicia». Jamu ŭžo małyja niekatoryja dziciačyja rečy, sabranyja da naradžeńnia», — raspaviała ščaślivaja mama.
Zvyčajna vaha zdarovych i narodžanych u termin niemaŭlataŭ składaje ad 3 da 3,5 kh. Dzicia vahoj da piaci kiłahramaŭ ličycca bujnym, a tych, chto bolš, miedyki nazyvajuć hihantami. Pry hetym rost niemaŭlaci nie ŭličvajecca, choć, jak praviła, daŭžynia cieła vołata taksama pieravyšaje siaredniestatystyčnuju. Takija dzieci źjaŭlajucca na śviet nie časta — adzin na 1,5 tysiačy novanarodžanych, i tolki 8-10% niemaŭlat važać bolš za 4 kh.
U minułym hodzie ŭ Viciebsku naradziŭsia chłopčyk vahoj 6 kh 100 h, taksama, darečy, treci pa liku. A syn Sacharavych, pa słovach hałoŭnaj doktarki Viciebskaj abłasnoj kliničnaj radzilni Aleny Leanovič, pastaviŭ rekord u maštabach krainy. Mama i mały, pa słovach daktaroŭ, adčuvajuć siabie dobra i chutka buduć vypisanyja dadomu.
