infoline.ua
Urad Ukrainy pryniaŭ rašeńnie ŭvieści režym pavyšanaj hatoŭnaści na terytoryi ŭsioj dziaržavy. Ab hetym zajaviŭ premjer-ministr Arsienij Jacaniuk na vyjaznym pasiadžeńni kabinieta ministraŭ.
«My vyrašyli taksama ŭvieści režym nadzvyčajnaj situacyi na terytoryi Łuhanskaj i Danieckaj abłaściej», — skazaŭ premjer.
«Meta pryniaćcia hetaha rašeńnia — poŭnaja kaardynacyja dziejnaści ŭsich orhanaŭ dziaržaŭnaj ułady dla zabieśpiačeńnia biaśpieki hramadzian i hramadskaj abarony nasielnictva», — zajaviŭ Jacaniuk.
Urad taksama pryniaŭ rašeńnie stvaryć kamisiju pa nadzvyčajnych situacyjach, jaje ŭznačalić premjer-ministr.
25 studzienia stała viadoma, što Dnieprapiatroŭskaja vobłaść pierachodzić na śpiecyjalny režym zabieśpiačeńnia biaśpieki i abaranazdolnaści rehijona. Ab hetym na staroncy ŭ sacyjalnaj sietcy Facebook paviedamiŭ namieśnik kiraŭnika Dnieprapiatroŭskaj abłasnoj dziaržadministracyi Śviatasłaŭ Alejnik.
«Pryniaty šerah davoli radykalnych rašeńniaŭ pa zabieśpiačeńni biaśpieki vobłaści. My pierachodzim na śpiecyjalny režym žyćciadziejnaści, klučavym pryjarytetam źjaŭlajecca biaśpieka i abaranazdolnaść rehijona», — adznačyŭ jon.
23 studzienia ŭ Charkavie ŭsie siłavyja struktury byli pieraviedzieny ŭ režym pavyšanaj hatoŭnaści, a taksama ŭviedzieny bolš žorstki režym manitorynhu situacyi.
Raniej Jacaniuk taksama daručyŭ kiraŭniku nacyjanalnaj hvardyi Alaksandru Kryvienku «ŭźniać usich ludziej na patrulavańnie vulic, na abaronu hramadzian».
