Kanflikt Rasii i Ukrainy z-za Kryma i Danbasa pryvioŭ da surjoznych strat u śfiery avijacyi. Za hod nie stała 178 adzinak techniki VPS Ukrainy.
Heta amal pałova samalotaŭ i viertalotaŭ, jakija stajali na ŭzbrajeńni Ukrainy. Pra heta skazana ŭ śpiecyjalnaj spravazdačy World air FORCES 2015.
«Kanflikt staŭ ciažkim ciažaram dla ukrainskich uzbrojenych sił, mnostva pavietranych sudoŭ byli padbity abo źniščany na ziamli. Našy zapisy śviedčać, što jaje (Ukrainy) vajskovy invientar skaraciŭsia z 400 adzinak aktyŭnych pavietranych sudnaŭ da 222 za 12 miesiacaŭ», — skazana ŭ spravazdačy.
Pazastałyja 222 bajavyja pavietranyja karabli — heta 60 źniščalnikaŭ, bambavikoŭ i šturmavikoŭ, 30 vajenna-transpartnych samalotaŭ i kala 90 viertalotaŭ.
Bajavyja straty ŭkraincaŭ našmat mienšyja. Prosta, vidać, bolšaść techniki, jakaja ličyłasia na bałansie, na spravie, akazałasia, nie lotaje.
