Staršynia Dziarždumy Rasii Alaksiej Naryškin prakamientavaŭ rašeńnie Parłamienckaj Asamblei Rady Jeŭropy pazbavić Rasiju prava hołasu ŭ arhanizacyi.
«Kali rasijskaja delehacyja nie budzie vałodać usimi paŭnamoctvami, a hałoŭnaje pravam hołasu, to dla nas hublaje sens u takich umovach pracavać na placoŭcy PARIE», — zajaviŭ Naryškin.
Akramia taho staršynia Dziarždumy padkreśliŭ, što «pa zakančeńni hoda pierad Rasijaj, mahčyma, paŭstanie pytańnie ab členstvie ŭ Radzie Jeŭropy».
Raniej pra toje, što Rasija pakidaje Parłamienckuju asambleju Rady Jeŭropy da kanca 2015 hoda, zajaviŭ kiraŭnik rasijskaj delehacyi ŭ PARIE Alaksiej Puškoŭ.
«My pakidajem PARIE da kanca hoda», — zajaviŭ Puškoŭ, kamientujučy rašeńnie Asamblei prypynić paŭnamoctvy Rasii hałasavać i ŭdzielničać u kirujučych orhanach PARIE da krasavika. Puškoŭ taksama padkreśliŭ, što da kanca 2015 budzie vyrašacca pytańnie ab členstvie Rasii ŭ Radzie Jeŭropy.
Parłamienckaja asambleja Rady Jeŭropy (PARIE) pazbaviła rasijskuju delehacyju prava hołasu da krasavika 2015 ŭ sieradu, 28 studzienia. Za hetaje rašeńnie było addadziena 148 hałasoŭ, suprać — 64 hałasy.
