Paniku na biržach vyklikała zaŭvaha Alaksandra Łukašenki, što Biełaruś budzie dabivacca restrukturyzacyi svajoj zapazyčanaści ŭ suviazi z tym, što na 2015-y prypadaje pik vypłat pa zamiežnych pazykach.
Trymalniki ablihacyj interpretavali heta jak znak taho, što naša kraina staić na miažy defołtu.
U vyniku kaciroŭki biełaruskich bondaŭ abvalilisia na 20—30% za hadzinu.
Hety fakt nie zastaŭsia biez uvahi biełaruskich finansistaŭ, i Alaksandru Łukašenku padali zapisku z prośbaj vypravicca.
Jon vymušany byŭ viarnucca da temy zapazyčanaści i ŭdakładnić: jon mieŭ na ŭvazie nie restrukturyzacyju, a refinansavańnie, Biełaruś budzie staranna raspłačvacca pa daŭhach.
Ahułam pres-kanfierencyja doŭžyłasia rekordny čas — bolš za 7 hadzin. Biełarusy zvykłyja da šmatsłoŭnaha stylu Alaksandra Łukašenki. Śviet mižnarodnych finansaŭ, adnak, pryvučany sačyć za słovami.
