Ministerstva abarony Rasii ŭzmocnić hrupoŭki vojskaŭ i sił na stratehičnych kirunkach. Pra heta ŭ piatnicu, 30 studzienia, paviedamlaje «Interfaks», spasyłajučysia na słovy ministra abarony Rasii Siarhieja Šajhu.
Jon raspavioŭ, što «udakładnieny pakazčyki asnaščeńnia Uzbrojenych sił sučasnym uzbrajeńniem i vajennaj technikaj, skarekciravany chod budaŭnictva vajennych haradkoŭ i abjektaŭ vajennaha pryznačeńnia».
Ministr abarony taksama akreśliŭ hałoŭnyja dla viedamstva zadačy — ukaranieńnie pierśpiektyŭnych formaŭ i sposabaŭ prymianieńnia Uzbrojenych sił. Akramia hetaha, buduć pryniatyja dadatkovyja zachady pa asnaščeńni vojskaŭ «vysokatechnałahičnymi ŭzorami ŭzbrajeńnia i techniki».
Akramia hetaha, Šajhu zapeŭniŭ, što Rasija nie dapuścić vajskovaj pieravahi nad saboj. Niedapuščeńnie vajennaj pieravahi, jak jon raspavioŭ, — heta pastaŭlenaja prezidentam Rasii Uładzimiram Pucinym zadača.
U kancy 2014 hoda Pucin zaćvierdziŭ redakcyju vajennaj daktryny. U joj skazana, što asnoŭnyja niebiaśpieki krainy - heta naroščvańnie siłavoha patencyjału NATA i terytaryjalnyja pretenzii da Rasii i jaje sajuźnikam.
