Daty źjaŭleńnia filmaŭ na ekranach raskryŭ hałava Walt Disney Pictures Bob Ajhier:
Epizod VII: Siła prabudžajecca — 18 śniežnia 2015 hoda;
Epizod VIII — 2017 hod;
Epizod IX — 2019 hod.
Akramia taho, jon paćvierdziŭ vychad na ekrany ŭ 2016 hodzie pakul biezymiennaha śpin-ofu, što raspaviadzie pra novych hierojaŭ sahi. Režysioram śpin-ofu stanie Haret Edvards, viadomy pa filmie «Hadziła». Usiaho ŭ płanach prynamsi try filmy, paralelnych asnoŭnamu siužetu «Zornych vojn».
Tym časam Džordž Łukas, stvaralnik aryhinalnych «Zornych vojn», skieptyčna stavicca da novych epizodaŭ, u zdymkach jakich biare minimalny ŭdzieł. Niadaŭna jon zajaŭlaŭ, što novyja epizody — «zusim nie toje, što jon pisaŭ pieršapačatkova». Na dniach jon taksama paraŭnaŭ sučasnaje kino ź biassensoŭnym cyrkam: «Uzhadajcie «Zornyja vojny» — tam historyja była značna važniejšaj za atrakcyjon. My vykarystoŭvali śpiecefiekty, ale tolki kab raskryć siužet». Tak jon adkazaŭ na pytańnie pra kryzis aryhinalnych idej, da jakoha nibyta pryviała ŭviedzienaja im moda na błakbastary.
Čytajcie taksama: 25 faktaŭ pra novyja «Zornyja vojny»
