Fota: nuevageneracionparadios.org
Śledčyja vyjavili try vypadki raźmiaščeńnia žycharami Hrodzienskaj vobłaści parnahrafičnaha videa na ŭłasnych staronkach UKantakcie. Siarod padazravanych hrodzieniec 1993 hoda naradžeńnia i rabočy sa Smarhoni 1994 hoda naradžeńnia (kožny pa adnym videa) dy biespracoŭny ź Lidskaha rajonu 1992 hoda naradžeńnia (try videa).
Ich dziejańni padpadajuć pad č.2 artykuła 343 UK RB («vytvorčaść i raspaŭsiud parnahrafičnych materyjałaŭ albo pradmietaŭ parnahrafičnaha charaktaru») i karajucca pazbaŭleńniem voli na termin ad 2 da 4 hod.
Za žycharom vioski Lidskaha rajonu 1990 hoda naradžeńnia zaŭvažana raźmiaščeńnie parnahrafičnaha materyjału z udziełam niepaŭnahadovych.
Dziciačaje porna padpadaje pad toj ža artykuł i pahražaje tym ža pakarańniem.
U padazravanych kanfiskavanaja i nakiravanaja na ekśpiertyzu technika, pravodziacca śledčyja dziejańni pa vyjaŭleńni inšych epizodaŭ ich złačynnaj dziejnaści.
Śledčy kamitet nahadvaje, što pad artykuł 343 UK RB padpadaje i rekłamavańnie parnahrafii, i raźmiaščeńnie spasyłak na pornamateryjały ŭ internecie.
