Isa Munajeŭ z pres-aficeram bataljona imia Džachara Dudajeva.
Kamandzir bataljona imia Džachara Dudajeva Isa Munajeŭ zahinuŭ 1 lutaha pad Čarnuchinym, dzie isnavała niebiaśpieka praryvu rasijskich siłaŭ, jakija imknucca pierarezać darohu, što źviazvaje Debalcava z ukrainskaj terytoryjaj.
Isa Munajeŭ mieŭ status bryhadnaha hienierała ŭ armii Ičkieryi, pracavaŭ ministram unutranych spraŭ. Paśla parazy čačencaŭ u Druhoj čačenskaj vajnie jon emihravaŭ u Daniju.
Paśla napadu Rasii na Ukrainu jon paknuŭ siamju i dacki dabrabyt i pajechaŭ na Danbas dobraachvotnikam.
Novym kamandziram čačenskaha bataljona na Danbasie staŭ major Adam Asmajeŭ.
Miarkujecca, što čačency — na druhim miescy pa kolkaści dobraachvotnikaŭ, što vajujuć na ŭkrainskim baku, paśla biełarusaŭ.
