U Zimbabve zahavaryli pra zdaroŭje 90-hadovaha prezidenta Robierta Muhabe, jaki na dadzieny momant źjaŭlajecca samym pažyłym kiraŭnikom dziaržavy ŭ śviecie, paśla taho, jak jon upaŭ z prystupak.
Jak paviedamlaje news24.com, pažyły kiraŭnik dziaržavy vystupaŭ z pramovaj u aeraporcie, viarnuŭšysia paśla vizitu ŭ Efiopiju. Paśla vystupu prezident pačaŭ sychodzić pa prystupkach, ale spatyknuŭsia i palacieŭ uniz na vačach va ŭsich.
Da prezidenta ŭ momant padbiehli pamočniki, jakija dapamahli jamu padniacca, pasadzili ŭ mašynu i pavieźli. A žurnalistaŭ, jakija paśpieli źniać padzieńnie Muhabe, abšukali słužby biaśpieki i prymusili vydalić kramolnyja fatahrafii.
Tym nie mienš, fota i videa padzieńnia patrapili ŭ internet i na praciahu sutak zrabili Muhabe hierojem mnostva miemaŭ.