Pa fakcie masavaha paboišča z udziełam kala 30 uradžencaŭ Čačni, što adbyłosia 3 lutaha na vulicy Andrejeva-Zabielinskaja, raspačatyja kryminalnyja spravy pa artykułach «Chulihanstva» i «Niezakonnaje zachoŭvańnie zbroi», paviedamiła kiraŭnik pres-słužby UUS Taćciana Dzidzienka.
«Nakolki mnie viadoma, pa hetym adrasie znachodziacca ofisy. Pamiž ich uładalnikami paŭstaŭ kanflikt. U vyniku adzin z kiraŭnikoŭ atrymaŭ ranieńnie z traŭmatyčnaha pistaleta, — raspaviała Dzidzienka. — Tudy pryjechali siabry padstrelenaha ŭ kolkaści niekalkich dziasiatkaŭ čałaviek. I na hetym, ułasna, usio i skončyłasia. Usie jany byli dastaŭleny ŭ adździaleńnie MUS «Baharodskaje». Na miescy zdareńnia znojdziena traŭmatyčnaja zbroja, a taksama bajavy pistalet Makarava z hłušycielem».
Pa słovach pradstaŭnika palicyi, u adździaleńnie byli dastaŭleny 20 čałaviek.
«Nie ŭsie jany byli vychadcami Čačni, ale asnoŭnaja masa. 4 lutaha ŭsie jany byli adpuščanyja, bo achoŭnik byŭ u mascy, i paciarpieły nie zmoh vyrazna apaznać — jon heta ci inšy čałaviek. Kamu naležała zbroju, vyśvietlić taksama nie ŭdałosia», — skazała Dzidzienka.
