Śledčy kamitet rasśleduje kryminalnuju spravu ŭ dačynieńni da 23-hadovaj dziaŭčyny i 22-hadovaha chłopca, jakija abvinavačvajucca ŭ prysvajeńni prykładna 400 miljonaŭ rubloŭ. Maładyja ludzi pracavali pradaŭcami ŭ pryvatnym mahazinie kamp`iutarnaj techniki.
Jak paviedamiła aficyjnaja pradstaŭnica USK pa Homielskaj vobłaści Maryja Kryvanohava, pieršapačatkova načalstva zaŭvažyła nievialikuju niastaču. Pry nastupnaj praviercy byli vyjaŭlenyja fakty supraćpraŭnaj dziejnaści rabotnikaŭ mahazina.
Abvinavačanyja dajuć supiarečlivyja pakazańni, tamu SK pakul nie paviedamlaje padrabiaznaściaŭ spravy, jakaja raspačataja na padstavie artykuła 211 KK (prysvajeńnie abo rastrata).
Pavodle nieaficyjnaj infarmacyi, rabotniki mahazina prymali ad pakupnikoŭ u jakaści apłaty najaŭnyja hrošy, a pa kasie pravodzili apieracyju bieznajaŭnaha raźliku z vykarystańniem terminała. Abvinavačanyja taksama vydalali z bazy ŭliku niekatoryja tavary, što znachodzilisia ŭ mahazinie.
