Napiaredadni abvieščanaha na 21 studzienia mitynhu pradprymalnikaŭ ułady arhanizavali maštabnuju akcyju zastrašvańnia. Siońnia prajšli sudy nad moładzievymi aktyvistami, jakich masava zatrymlivali ŭ Miensku 16 studzienia. Milicyja praciahvała chapać ludziej kala sudoŭ. Kolkaść zatrymanych dasiahnuła 41 čałavieka. Fotarepartaž Julii Daraškievič.
 Sudziać Kaciarynu Krasnovu |
 |
 Sudziać Kasiu Halickuju |
 |
 Anton Kalinoŭski |
 Uładzimier Siarhiejeŭ |
 Juraś Stankievič |
 Hety čałaviek źleva sprabavaŭ pieraškodzić vykanańniu žurnalisckich abaviazkaŭ fotakarespandentu "NN" Julii Daraškievič |
Na dadzieny momant za kratami na Akreścina znachodzicca 38 čałaviek.
Spačatku 9 studzienia byŭ zatrymany i asudžany da dziesiaci sutak aryštu Viačasłaŭ Siŭčyk.
Padčas akcyi pratestu pradprymalnikaŭ 10 studzienia niedaloka ad Kastryčnickaj płoščy byli zatrymanyja 25 čałaviek, 23 ź ich byli asudžanyja na sutki.
Ciaham hetaha tydnia aryštavali amal usich pradprymalnickich lideraŭ - Alesia Makajeva, Siarhieja Parsiukieviča, Alesia Taŭstyku, na jakich supracoŭniki milicyi raspačali ledź nie palavańnie.
Taksama za kratami apynulisia Karen Akopaŭ, jaki vioŭ pieramovy ad imia pradprymalnikaŭ u Administracyi prezydenta, i Julija Siŭcova, jakaja brała ŭdzieł u manifestacyi 10 studzienia.
Učora la Centralnaha sudu byli zatrymanyja troje siabroŭ Moładzi BNF, a la Niamihi šaściora "maładafrontaŭcaŭ". Usie jany siońnia atrymali ad 10 da 20 sutak aryštu.
Siońnia ž byli zatrymanyja Źmicier Chviedaruk i Mikita Šuciankoŭ.
Vidavočna, što aryštami ŭłady namahajucca źbić pratestny nastroj pierad akcyja 21 studzienia.
Źmicier Pankaviec
***
Milicyja zatrymała moładzievaha aktyvista Źmitra Chviedaruka. Heta adbyłosia kali maładzion vychodziŭ z sudu Centralnaha rajonu, dzie siońnia adbyvalisia sudy nad zatrymanymi ŭčora. Pra heta «NN» paviedamiŭ Pavał Sieviaryniec.
Chviedaruka zapichali ŭ aŭtazak, pry hetym užyŭšy fizyčnuju siłu. Ciapier jon najchutčej znachodzica ŭ specpryjomniku na Akreścina.
Razam ź im byŭ zatrymany advakat Alaksandar Halijeŭ, ale jaho adpuścili praź niekalki chvilinaŭ.
Nahadajem, što 12 śniežnia AMON mocna źbiŭ Źmitra Chviedaruka. Kala tydnia chłopiec pralažaŭ u bolnicy, daktary kanstatavali ŭ jaho strasieńnie mazhoŭ. Paśla hetaha ŭ chłopca značna pahoršyŭsia zrok.
«Źmicier Chviedaruk znachodzicca ciapier u milicyi Centralnaha rajonu Miensku. Tam znachodzicca i Mikita Šuciankoŭ, jakoha raniej milicyjanty schapili kala budynku sudu. Siabra AHP Mikoła Sierhijenka patelefanavaŭ svaim paplečnikam, što za im sočać milicyjanty. Potym jašče adzin zvanok ab tym, što za im iduć ludzi ŭ cyvilnym. Paśla hetaha jaho telefon užo nie adkazvaŭ», — paviedamlaje karespandentka radyjo «Svaboda» Luboŭ Łuniova.
* * *
Sudździa sudu Centralnaha rajonu Mienska Taciana Paŭlučuk pakarała zatrymanaha 16 studzienia aktyvista Moładzi BNF Franaka Viačorku administracyjnym aryštam na 15 sutak. Jaho abvinavacili ŭ parušeńni art. 17.1 KaAP nibyta za łajanku pry zatrymańni.
***
Pavał Kurjanovič asudžany na 20 sutak aryštu, a Maŭluda Atakułava na 15 sutak.
***
Uładzimier Siarhiejeŭ, Juraś Stankievič, Kasia Halickaja atrymali pa 15 sutak, Anton Kalinoŭski - 10 sutak.
Milicyja z dapamohaj fizičnaj siły sprabavała pieraškodzić vykanańniu svaich abaviazkaŭ fotažurnalistcy «Našaj nivy» Juli Daraškievič, jakaja znachodziłasia ŭ pamiaškańni sudu Centralnaha rajonu Mienska. Tut zaraz adbyvajucca sudy nad zatrymanymi ŭčora moładzievymi aktyvistami.
Hety momant paśpieŭ źniać na mabilny telefon adzin z naviedvalnikaŭ suda. Milicyja hvałtam schapiła maładoha čałavieka, adnak telefona pry im nie akazałasia. Tady supracoŭniki milicyi źviarnulisia da pravaabaroncy Valancina Stefanoviča pa dapamohu adšukać mabilny telefon. Pravaabaronca admoviŭsia, patłumačyŭšy, što jon nie supracoŭnik MUSa i nie maje takich paŭnamoctvaŭ. Situacyja u kalidorach sudu zaraz dosyć napružanaja.
Aktyvistku niezarehistravanaha «Maładoha Frontu» Kaciarynu Krasnovu abvinavacili ŭ parušeńni artykuła 23.34 KaAP RB za ŭdzieł ŭ niesankcyjanavanaj akcyi salidarnaści ŭčora na Kastryčnickaj płoščy i pakarali 15 sutkami arytšu
Sudździa Alaksiej Byčko admoviŭsia vyklikać śviedak z boku Krasnovaj, jakija mahli b paviedamić sudu abjektyŭnuju infarmacyju. Aproč taho, u materyjałach sudovaj spravy adsutničaje pratakoł vyniaćcia partretaŭ palitźniavolenych i inšaj zabaronienaj pradukcyi, u čym jaje taksama abvinavačvajuć.
U sudzie Centralnaha rajonu Mienska pačałosia słuchańnie administracyjnaj spravy aktyvista «Džyns — za Svabodu» Maksima Viniarskaha. Jon byŭ zatrymany ŭčora milicyjantami nibyta za łajanku na hanku Centralnaha RUUS razam z Paŭłam Kurjanovičam. Sud adbyvajecca z parušeńniem pracesualnaha zakanadaŭstva: Viniarskaha nie aznajomili z pratakołam i nie vydali navat jaho kopiju.
Miž tym, u sudzie byŭ abvieščany pierapynak, paśla jakoha ŭ zału suda bolš nie dapuścili siabroŭ, blizkich, žurnalistaŭ i pravaabaroncaŭ. Faktyčna, sudovyja spravy słuchajucca ŭ začynienym režymie.
