Dźvie maładyja žančyny, hadoŭ 20-25, zachodziać u kvateru i pradstaŭlajucca supracoŭnicami hazavaj słužby. Adna ź ich prachodzić na kuchniu, a druhaja zastajecca ŭ kalidory, raspavioŭ staršy śledčy Śledčaha kamiteta Juryj Bahuševič.
Paśla jany sychodziać, a ŭ haspadaroŭ źnikajuć hrošy.
Achviarami machlarki abirajuć pažyłych žančyn. Ad ich paciarpieli ŭžo troje.
Dva vypadki zdarylisia 23 studzienia na vulicy Jasinskaha i Vialikim Haścincy. U kožnaj z žančyn skrali pa piać miljonaŭ. Jašče adzin – 6 lutaha na Markava. Skrali vosiem miljonaŭ.
Jak raspaviała «RH» znajomaja adnoj z paciarpiełych, «supracoŭnica hazavaj słužby» doŭha vyhavorvała pažyłoj žančynie za brudnuju plitu. I skazała haspadyni, kab taja jaje tut ža pamyła.
Varta źviarnuć uvahu:
– machlarki nievysokija, rost da 170 santymietraŭ
– na hałavie ŭ ich mohuć być biełyja šapki
– pakul što ŭsie paciarpiełyja z rajona Hielanova.
