Pa vynikach 2014 hoda ZŠA stali suśvietnym lidaram pa zdabyčy nafty, abahnaŭšy Rasiju, vynikaje ź siarednieterminovaha prahnozu Mižnarodnaha enierhietyčnaha ahienctva (MEA) da 2020 hoda.
Za hod ZŠA pavialičyŭ zdabyču na 1,5 młn bar./sutki da 11,81 młn, anałahičny pakazčyk u Rasii za hety pieryjad vyras na 50 tys. bar/sutki da 10,93 młn.
Saŭdaŭskaja Aravija pa-raniejšamu zajmaje 3-je miesca. Reč u tym, što MEA pry padliku zdabyčy nie ŭličvaje hazavy kandensat, jaki zajmaje kala 15% u sumarnaj zdabyčy krain APIEK. Dziakujučy hetamu Saŭdaŭskaja Aravija źjaŭlajecca suśvietnym lidaram pa zdabyčy vadkich vuhlevadarodaŭ.
U bližejšy čas adryŭ lidara budzie raści, prahnazuje MEA. Asnoŭny pryrost zdabyčy ŭ ZŠA da 2020 pryjdziecca na słancavuju naftu: kali ŭ minułym hodzie jaje zdabyča skłała 3,6 młn bar. / sutki, to da 2020 h. jana vyraście da 5,2 młn, prahnazuje ahienctva.
