11 lutaha adkryłasia XXII Minskaja mižnarodnaja knižnaja vystava-kirmaš, u jakoj biaruć udzieł 28 krain.
Hanarovym hościem vystavy sioleta staŭ Kitaj. Jak adznačyŭ na adkryćci forumu namieśnik načalnika Kitajskaj dziaržaŭnaj administracyi radyjo, kino i telebačańnia, namieśnik načalnika dziaržaŭnaha ŭpraŭleńnia pa spravach aŭtarskaha prava Jań Siaachun, u Minsk prybyła delehacyja z 79 čałaviek i pryviezła bolš za piać tysiač najlepšych kitajskich knih.
«Naš udzieł u jakaści hanarovaha hościa vystavy — heta novaja staronka ŭ kulturnym supracoŭnictvie dźviuch krain, — skazaŭ Jań Siaachun. — Padpisańnie siońnia miemaranduma ab pierakładach knih z kitajskaj movy na ruskuju i naadvarot źjaŭlajecca dobrym pačatkam dla ŭmacavańnia ŭzajemnych adnosin pamiž dźviuma krainami».
Pryvitalnaje słova Alaksandra Łukašenki ŭdzielnikam vystavy i mižnarodnaha simpoziuma litarataraŭ «Piśmieńnik i čas», što prachodzić u jaje miežach, začytaŭ namieśnik kiraŭnika Administracyi prezidenta Ihar Buzoŭski.
U pasłańni skazana: «Nie adno pakaleńnie biełarusaŭ vychavanaje na knihach, hieroi jakich stanavilisia prykładam dla pierajmańnia, dapamahali farmiravać charaktar, addanaść radzimie, umieńnie znachodzić vyjście ź niaprostych žyćciovych situacyj. Dla nas vyklučna važna, kab udumlivaje słova litarataraŭ i nadalej słužyła paćviardžeńniem pryncypaŭ marali, pačućcia adkaznaści čałavieka za los svajoj krainy, vučyła miłasernaści i dabru, spryjała kansalidacyi hramadstva pierad abliččam vyklikaŭ i pahroz XXI stahodździa».
Ministr infarmacyi Biełarusi Lilija Ananič adznačyła, što «ŭ hetyja dni ŭ našaj stalicy kujecca suśvietnaja palityka». «Tut siońnia sabralisia knihavydaŭcy z 28 krain, kab jašče raz padkreślić, što kniha była, jość i budzie zastavacca mostam družby i supracoŭnictva», — skazała jana.
Pavodle słoŭ namieśnika staršyni Minharvykankama Ihara Karpienki, vystava dazvolić krainam-udzielnicam padzialicca nazapašanym vopytam, naładzić ciesnyja suviazi, prademanstravać svaje dasiahnieńni, navinki knih i vydavieckaj pradukcyi.
Centralnym ekspanientam vystupiła Rasija. Prezientavanyja taksama bujnyja kalektyŭnyja ekspazicyi Francyi, Hiermanii, Irana, Vialikabrytanii i ZŠA. Sioleta ŭ jakaści ŭdzielnika da forumu dałučyłasia Brazilija.
Vystava, adnoj z hałoŭnych tem jakoj stała 70-hodździe Pieramohi ŭ Vialikaj Ajčynnaj vajnie, budzie pracavać da 15 lutaha ŭklučna.
Z prahramaj mierapryjemstvaŭ možna aznajomicca tut.
