Prezident Ukrainy Piatro Parašenka stvaryŭ Daradčuju mižnarodnuju radu reformaŭ i pryznačyŭ jaje kiraŭnikom eks-prezidenta Hruzii Michaiła Saakašvili.
Pra heta havorycca ŭ paviedamleńni pres-słužby kiraŭnika dziaržavy.
«My dastatkova doŭha dumali, jak lepš vykarystoŭvać viedy, dośvied i ŭnikalnyja nou-chau Michaiła Saakašvili. U Hruzii jon zmoh faktyčna refarmavać ŭsie śfiery ekanamičnaj, palityčnaj i hramadskaha žyćcia. Toj šlach, jaki my pačali ŭ minułym hodzie z Revalucyi Hodnaści, našy susiedzi prakłali i pravieryli. i jany hatovyja dzialicca z nami svaim dośviedam. Da niadaŭniaha času Michaił byŭ, pa sutnaści, pazaštatnym kansultantam pa pytańniach reformaŭ. i siońnia, narešcie, jon atrymaje aficyjny status», — skazaŭ Parašenka.
Daradčaja mižnarodnaja rada reformaŭ — kansultatyŭny orhan, asnoŭnaj zadačaj jakoha źjaŭlajecca napracoŭka prapanoŭ i rekamiendacyj pa ažyćciaŭleńni i ŭkaranieńni va Ukrainie reformaŭ na asnovie lepšaha mižnarodnaha dośviedu. Rada budzie pryciahvać zamiežnych ekśpiertaŭ da refarmavańnia ŭkrainskaha zakanadaŭstva, a taksama pavyšać uzrovień mižnarodnaj padtrymki Ukrainy.
«Michaił stanie pradstaŭnikom Ukrainy za miažoj i, adnačasova, pradstaŭnikom mižnarodnaj supolnaści va Ukrainie. My ŭpeŭnienyja, što mienavita jon zmoža naładzić dvuchbakovuju kamunikacyju pamiž Ukrainaj i śvietam pa pytańniach reformaŭ - pryciahnuć lepšy zamiežny dośvied i hodna pradstaŭlać našu pracu za miažoj», — adznačyŭ Parašenka,
