Pastajannyja źmianieńni padatkovych stavak niedapuščalnyja. Ab hetym siońnia Biełarusi Alaksandr Łukašenka zajaviŭ na naradzie ab aktualnych pytańniach padatkovaj palityki.
«Ščyra kažučy, moža, varta adzin raz maksimalna adkarekciravać, kab potym niekalki hadoŭ usim spakojna pracavać?» - skazaŭ Alaksandr Łukašenka.
U čas narady kiraŭnik dziaržavy źviarnuŭ uvahu na šerah aśpiektaŭ, u pryvatnaści, na stan padatkovaj sistemy Biełarusi. «Apošnim časam zroblena niamała pa ŭdaskanaleńni hetaj sistemy. Skaročana i kolkaść padatkaŭ, sproščana administravańnie, uviedziena elektronnaje ŭzajemadziejańnie z płacielščykami padatkaŭ, — adznačyŭ jon. — Byccam by stała lepš, što paćviardžajecca mižnarodnym rejtynham».
«Ź inšaha boku, časta niešta źmianiać u padatkach — možna ŭpaści ŭ krajnaść i nanieści ŭron stabilnaści krainy», — padkreśliŭ kiraŭnik dziaržavy.
Łukašenku prainfarmavali, što ŭžo i pradprymalniki prosiać, kab spynili ŭsialakija reformy ŭ padatkovaj śfiery, patrebna stabilnaść.
Jašče adzin aśpiekt, na jakim spyniŭsia na naradzie biełaruski lidar, padatkovaje administravańnie. «Padatkaabkładańnie pavinna być maksimalna prostym, zrazumiełym kožnamu i łahičnym. Heta pytańnie, kali chočacie, nie tolki ekanamičnaje, ale i psichałahičnaje. Časam padatkovaje zakanadaŭstva maleńkuju firmu prymušaje trymać buchhałtaraŭ bolš, čym kolkaść samoj firmy. Heta nienarmalna», - dadaŭ Alaksandr Łukašenka.
