U biełaruskaje zakanadaŭstva płanujecca ŭvieści normu ab mahčymaści abaračeńnia sudovaha spahnańnia na elitnaje žyllo, paviedamiŭ ministr justycyi Aleh Śližeŭski 17 lutaha na pres-kanfierencyi ŭ Minsku.
Pavodle jaho słoŭ, adpaviednaja norma praduhledžanaja raspracavanym zakonaprajektam «Ab vykanaŭčych vytvorčaściach».
«Siońnia jość prablema, kali ŭ daŭžnika niama zarobku i inšaj majomaści, na jakuju možna nakłaści spahnańnie, ale razam z tym jon žyvie ŭ dastatkova fiešeniebielnym rajonie ŭ dobrym katedžy. Na siońnia zakanadaŭstva abmiažoŭvaje prava spahnańnia na takuju nieruchomuju majomaść», — zaznačyŭ Śližeŭski.
Pavodle słoŭ ministra, u novym zakonaprajekcie praduhledžanaja mahčymaść abaračeńnia spahnańnia ŭ tym liku na elitnaje žyllo. «Biezumoŭna, z harantyjami, što ŭsie normy sacyjalnyja, praduhledžanyja zakanadaŭstvam u vyhladzie zabiaśpiečanaści 20 kv. mietrami na adnaho čałavieka, buduć zachoŭvacca. Takim čynam, abo častka majomaści budzie pradavacca, abo realizoŭvacca z vydzialeńniem mienš kamfartabielnaha žylla», — skazaŭ jon.
Śližeŭski padkreśliŭ, što hetyja miery buduć skiravanyja «na bolš efiektyŭnaje i najchutčejšaje vykanańnie sudovych rašeńniaŭ».
