Pa fakcie vyjaŭleńnia trupa ŭ mašynie ŭ Maskoŭskim rajonie Minska raspačataja kryminalnaja sprava, paviedamiła aficyjny pradstaŭnik Śledčaha kamiteta Julija Hančarova.
Sprava raspačataja na padstavie artykuła 139 KK (zabojstva). Pavodle jakoj ź dźviuch častak hetaha artykuła, i kali pavodle druhoj, to ź jakimi abciažarvalnymi akaličnaściami, pakul nie havorycca. Nie nazyvajecca i śledčaje padraździaleńnie, jakoje raspačało kryminalnuju spravu.
Zhodna ź infarmacyjaj SK, 18 lutaha na terytoryi Maskoŭskaha rajona ŭ aŭtamabili byŭ znojdzieny trup mužčyny z prykmietami hvałtoŭnaj śmierci. Na miesca zdareńnia vybyvała śledča-apieratyŭnaja hrupa centralnaha aparatu SK i pierasoŭnaja kryminalistyčnaja łabaratoryja viedamstva. Byŭ praviedzieny ahlad miesca zdareńnia. Ciapier pravodziacca nieadkładnyja śledčyja dziejańni, pryciahnutyja śpiecyjalisty MUS i Dziaržaŭnaha kamiteta sudovych ekśpiertyz. Vyśviatlajucca ŭsie akaličnaści zdareńnia. Asoba zahinułaha ŭstanaŭlivajecca.
