U pieradapošnim matčy rehularnaha čempijanatu KCHŁ minskaje «Dynama» pieramahło ryžskich adnakłubnikaŭ ź likam 1:0.
Za 20 siekundaŭ da kanca sustrečy šajbu zakinuŭ Rajan Vieski.
«Dynama» nabrała 100 ačkoŭ i zaniała 5-je miesca ŭ Zachodniaj kanfierencyi.
Apošni matč rehularki «Dynama» praviadzie 24 lutaha ŭ haściach suprać maskoŭskaha «Dynama». Cikava, što ŭ vypadku pieramohi biełaruskaha kłuba 24 lutaha i pieramohi, u svaju čarhu, «Jokieryta» nad «Słovanam» u asnoŭny čas, u płej-of pamiž saboj zhulajuć minskaje i maskoŭskaje «Dynama». U inšych vypadku (paraza biełarusaŭ ad maskvičoŭ, pieramoha «Słovana» na finami) u płej-of minskaje «Dynama» budzie hulać z «Jokierytam».
CSKA — 137 (59), SKA — 123 (59), Dynama Maskva — 120 (59), Jokieryt — 117 (59), 5. Dynama Minsk — 100 (59), 6. Łakamatyŭ — 95 (59)…
Pieršyja matčy płej-of projduć u haściach 26 i 27 lutaha, matčy ŭ Minsku — 2 i 3 sakavika. Sieryja — da čatyroch pieramohaŭ.
